شاهد: “واصبح ليه؟”.. شاعر عامية يرد على السيسي
نشر شاعر العامية المصرية غازي محمود قصيدة على صفحته الشخصية على موقع التواصل الاجتماعي فيسبوك يرد فيها على مطالبة الرئيس المصري عبد الفتاح السيسي المصريين بالتبرع لمصر كل صباح بجنيه واحد.
وانتقد الشاعر مطالبة الرئيس الفقراء بالتبرع في وقت يرتع فيه من وصفهم باللصوص والفاسدين في أموال البلاد دون رقيب أو حسيب.
وجاء في القصيدة:
وأجيب منين عشان أدفع
وعايزاني أصبح كل يوم بجنيه
وأمسي كل ليل بجنيه
وابن البيه
في راحة وعز يتمرقع
يا سيباني
في ذل الغربة بنعاني
ومنعاني
ولا قولتي في يوم أرجع
وبعد دا كله يا ريس عايزيني أدفع
بذمة ربنا ينفع
بتطلب شعر من واحد
وهو في الأساس أقرع
مفيش عندك حلول تانية
بدون شحته ولا تصبيح
يا ريس نفسي تبقى صريح
تحارب بس ـ في الأقوى
وتوزن كفة التصحيح
ما تتشطر يا سيدي في مرة
ع السارقين وع الفاسيدين
وع الناهبين
يا ريس قولي أنت مين ؟!
أنا .. أنا المظلوم والمجني عليه
وكل حرامي في بلدي
واخدله بس مليون
وكام فدان هديه عليه
وأصبح ليه ؟!